riomaior3

Just another WordPress.com site


Deixar un comentario

COÑECEMOS A PRAZA DE ABASTOS DE PONTEVEDRA

 

Aproveitando a viaxe para visitar O Salón do Libro, o alumnado do Terceiro Ciclo, desprazámonos ata a Praza de Abastos de Pontevedra para coñecela e desenvolver unha interesante actividade.

En grupos de nove alumnos/as tiñamos que elaborar o menú para unha cea de catro persoas con só 20 euros. O menú tiña que ser saudable e estar composto de dous pratos e sobremesa.

Despois de poñernos de acordo, no que teriamos que comprar, desprazámonos polos diferentes postos para coñecer os prezos. Finalmente comprobamos que era posible e houbo algún grupo que aínda lle deu para mercar flores.

Unha boa aprendizaxe para a vida!

This slideshow requires JavaScript.


Deixar un comentario

DÍA DA ÁRBORE

O alumnado de sexto, coa axuda das profesoras Carmen e Bea, plantamos unha fermosa nogueira que estamos seguros hanos dar saborosos e nutritivos froitos.

O día estaba chuvioso e non parou de caer auga durante toda a mañá, pero fomos espelidos e non deixamos que a nosa árbore quedara nun cuarto escuro nin un só día. Agora, fresquiña como quedou, medrará axiña.

This slideshow requires JavaScript.


Deixar un comentario

VISITOUNOS UNHA ESTRELA DO MUNDO DA PASTELERÍA.

 

Martes, 25 de marzo, recibimos con moita curiosidade a Jesús Veiga, artista pasteleiro –chocolateiro, gañador do 1º Concurso nacional de tallado de froitas e verduras. Este xoven artista foi quen de esculpir en chocolate: os cabalos da Praza de España ou os nove mariñeiros que tiran da rede no “Monumento ao traballo” na cidade de Vigo.

Paciente e xenerosamente explicounos como fai as súas obras e non lle importou facer unha mostra en directo. Aínda que o máis importante que nos ensinou foi o valor da constancia e a necesidade de sentirnos válidos para levar a bo termo os nosos proxectos e desexos.

“Todo o que queres podes conseguilo, só tes que tentalo tantas veces como sexa necesario.”

This slideshow requires JavaScript.


Deixar un comentario

UN SABOROSO ENTROIDO

 

Celebramos o entroido e, un ano máis, o alumnado de sexto fixo un papel importante. A xuíza, as fiscais, o notario, os gardiáns do galo e o propio galo foron alumnas/os de sexto.

Os demais compañeiros tamén participaron e colaboraron para que fose unha celebración divertida e animada. Non faltou de nada!! Mesmo houbo  un pregoeiro que o fixo de marabilla, aínda que cun certo acento inglés, e unha nai que nos amosou as súas cualidades culinarias e nos agasallou cunhas saborosas orellas e filloas.

Unha data inesquecible.

 

This slideshow requires JavaScript.

Seguir este blog

Recibe aviso de cada artigo novo no teu correo electrónico.